Yol-Xeber.Az - Bakı artıq Parisi də `əhilləşdirmək` üzərədir...

Bakı artıq Parisi də `əhilləşdirmək` üzərədir... - YENİ REALLIQ...

16:00 14.05.2024 | Baxış sayı: 1782

Fransa mayın 10-11-də Almatıda Ermənistan və Azərbaycan xarici işlər nazirləri arasında danışıqların yeni raundunun keçirilməsini alqışlayır.
Bu barədə Fransa Xarici İşlər Nazirliyinin saytında dərc olunmuş bəyanatda deyilib.
Sənəddə aparılan delimitasiya işlərini sona çatdırmağın vacibliyi bildirilib:
“Fransa 2022-ci il oktyabrın 7-də Praqada keçirilən dördtərəfli görüşün davamı kimi tərəflərin 1991-ci il Almatı Bəyannaməsinə sadiqliyini və bir-birinin ərazi bütövlüyünün qarşılıqlı tanınmasını təsdiqləməsinin vacibliyini vurğulayır. Bu kontekstdə Fransa 19 aprel 2024-cü il tarixli bəyannamədə qəbul edilmiş prinsiplərə əsaslanaraq sərhədin delimitasiyasını, həmçinin iki ölkə arasında sülh müqaviləsinin imzalanması məqsədilə müzakirələri davam etdirməyə çağırır. Biz Qazaxıstan hakimiyyətinin bu danışıqları asanlaşdırmaq təşəbbüsünü alqışlayırıq. Fransa beynəlxalq hüquqa uyğun olaraq Cənubi Qafqazda ədalətli və davamlı sülhün bərqərar olması üçün tərəfdaşları ilə birgə fəaliyyətini davam etdirəcək".

Mövzu ilə bağlı “Sherg.az”a danışan xanım politoloq Aytən Qurbanova bildirib ki, Fransa da artıq keçmiş ATƏT-in Minsk qrupunun digər həmsədrləri kimi yeni reallıqları qəbul etmək ərəfəsindədir:

“Təbii ki, bu Fransanın regionla bağlı məkrli niyyətlərinin tamamilə yox olması demək deyil. Eyni zamanda, rəsmi Parisin qərəzli anti-Azərbaycan mövqeyində də ildırım sürətli dəyişiklik gözlənilmir. Amma Fransanın həm Cənubi Qafqazdakı, həm də Türk dünyasındakı maraqlarının ifadəsi Azərbaycan ilə olan münasibətlərin dinamikasından birbaşa asılı olduğu üçün o post-müharibə dövrünün reallıqları ilə barışmağa məcburdur. Çünki cənab Prezident İlham Əliyevin dəfələrlə aydın şəkildə bəyan etdiyi kimi nəinki Fransa, ümumiyyətlə qlobal sistemin heç bir aktoru Azərbaycanın maraqlarını gözardı edərək diktə dili danışa bilməz. Belə olan halda Fransa XİN-nin 10 may 2024-cü il tarixində Azərbaycan və Ermənistan xarici işlər nazirləri arasında keçirilmiş Almatı görüşü ilə bağlı dərc etdiyi bəyənatda ifadə olunan fikirlər mövcud reallığın rəsmi Paris tərəfindən çox yaxşı bilindiyini növbəti dəfə bəyan etmiş olsa da, bunlar onun səmimi mövqeyinin ifadəsi olaraq dəyərləndirilə bilməz”.

Bakı artıq Parisi də `əhilləşdirmək` üzərədir... - YENİ REALLIQ...

Bölmənin digər xəbərləri

Xəbər lenti